Alekseı Tsoı óz erkimen otstavkaǵa kete me – Mınıstr jaýaby
«Densaýlyq saqtaý mınıstrligi sońǵy kezderi jıi synǵa ushyrap júr. Sizdiń de mınıstr retinde jaýapkershilik arqalaıtynyńyz anyq. Mundaı jaǵdaılar qaıtalana berse, óz erkińizben otstavkaǵa ketýge daıynsyz ba?», - degen suraq qoıyldy mınıstrge Ortalyq kommýnıkatsııalar qyzmetinde.
Óz kezeginde A. Tsoı Densaýlyq saqtaý mınıstrligi aldynda kóptegen máseleler turǵanyn aıtty.
«Ókinishke qaraı, pandemııa jappaı barlyǵyna yqpal etip jatyr. Mınıstrliktiń de bar kúshi koronavırýs ınfektsııasymen kúreske baǵyttalǵan. Búkil qyzmetkerlerimiz is júzinde táýlik boıy jumys isteýde. Eger elimizdiń basshylyǵy basqa mamandardy tartýdy durys dep uıǵarsa, biz árdaıym daıynbyz. Qazir biz tikeleı jumysymyzǵa kirisip kettik, basqasyna ýaqyt joq. Biz azamattarymyzdy qutqarýmen aınalysyp jatyrmyz», - dep jaýap berdi Alekseı Tsoı.
