Alekseı Tsoı oqýshylardy dástúrli bilim berý rejımine kóshirýge qatysty pikir bildirdi
Ortalyq kommýnıkatsııalar qyzmetinde balalardy shamamen qaı kezeńnen bastap mektepte oqytý formatyna kóshirý josparlanyp otyrǵandyǵy suraldy.
«Qazirgi kezde osy máseleni qarastyryp jatyrmyz. Bir jaǵynan ár óńir bólinisinde indetti anyqtaý boıynsha jaǵdaı bar... Bul baǵytta Bilim mınıstrligimen birlese ázirlengen tıisti qadamdar bar. Talqylaýlar aıasynda osyndaı synyptarda oqytý múmkindigi bar. Sondyqtan ekinshi toqsanda qaı formatta oqytý sheshimin pysyqtap jatyrmyz», - dedi mınıstr.
Óz kezeginde QR Densaýlyq saqtaý vıtse-mınıstri Ajar Ǵınııat birinshi toqsan aıaqtalǵan soń, ıaǵnı balalar kanıkýlǵa baryp kelgennen keıin eldegi japǵdaıdy eskere otyryp, tıisti sheshim qabyldanatynyn jetkizdi.
Budan buryn habarlanǵandaı, oqý jyly bastalǵaly oqýshylar arasynda KVI juqtyrýdyń 184 jaǵdaıy tirkeldi. Onyń ishinde kezekshi synypta oqıtyn 73 balada koronavırýs anyqtaldy.