Alekseı Tsoı mınıstrliktiń negizgi basymdyqty baǵyttaryn atady

NUR-SULTAN. QazAqparat – Búgin QR Densaýlyq saqtaý mınıstri Alekseı Tsoı halyq aldynda esep berý kezdesýinde vedomstvo aldyndaǵy negizdi mindetterdi atady, dep habarlaıdy QazAqparat tilshisi.

«Memleket basshysynyń tapsyrmalaryna sáıkes jáne eldiń densaýlyq saqtaý júıesi tap bolǵan syn-qaterlerdi eskere otyryp, biz Mınıstrlik qyzmetiniń negizgi basymdyqtaryn qalyptastyrdyq», - dedi mınıstr Ortalyq klommýnıkatsııalar qyzmetinde.

Osy oraıda:

- MÁMS aıasynda halyqqa medıtsınalyq qyzmet kórsetý sapasyn arttyrý boıynsha jumysty kúsheıtý;

- alǵashqy medıtsınalyq kómekti uıymdastyrý tásilderin túbegeıli qaıta qaraý;

- kólik medıtsınasyn kúsheıtý;

- barlyq óńirlerde iri zamanaýı aýrýhanalar, sondaı-aq ınfektsııalyq statsıonarlar salý;

- aýyl turǵyndaryn feldsherlik-akýsherlik pýnkttermen jáne dárigerlik ambýlatorııalarmen qamtamasyz etý;

- medıtsına qyzmetkerleriniń jalaqysyn kóterý;

- medıtsınalyq uıymdardy kadrlyq resýrstarmen qamtamasyz etýdiń 10 jyldyq boljamyn qalyptastyrý;

- medıtsınalyq jáne farmatsevtıkalyq ónerkásipti damytý eskerilgen.