Alekseı Tsoı mektepterge qoıylatyn jańa sanıtarlyq talaptardy jarııalady
«2021 jylǵy 5 tamyzda bilim berý nysandaryna qoıylatyn jańa sanıtarııalyq-epıdemıologııalyq qaǵıda bekitildi. Atalǵan qaǵıda oqytý formattaryna, tamaqtandyrýdy uıymdastyrýǵa, korpýstardaǵy, aýdıtorııalardaǵy, sport jáne akt zaldaryndaǵy úı-jaılardyń toltyrylýyna, zerthanalyq, praktıkalyq jáne stýdııalyq sabaqtarǵa jáne jataqhanalardaǵy bólmelerdiń toltyrylýyna qatysty talaptardy qamtıdy. Mektep pedagogtary men qyzmetkerlerin vaktsınalaý aıaqtalýǵa jaqyn. 18 jastaǵy jáne odan asqan stýdentterdi vaktsınalaý bastaldy. Óńirlik departamentter óńirlik komıssııalardyń quramynda mektepderdiń jańa oqý jylyna daıyndyǵyna monıtorıng júrgizip jatyr», - dedi Alekseı Tsoı.
Onyń atap ótýinshe, qoldanystaǵy zańnama men epıdemıologııalyq jaǵdaıdy eskere otyryp, mektepterde dástúrli oqytý formatyna kóshý, saýyqqannan keıin úsh aı ishinde aýyryp jazylǵan, turaqty medıtsınalyq qarsy kórsetilimderi bar adamdardy qospaǵanda, pedagogter men personaldy 100 paıyz vaktsınalaý kezinde múmkin bolady.
«Ashyq qosymshasyn mektepterge kirgen kezde juqtyrǵan, vaktsınalanbaǵan jáne tárbıeshiler, qyzmetkerler men ata-analar arasyndaǵy baılanysta bolǵan adamdardy baqylaý úshin qoldanǵan jón dep sanaımyz. Sondaı-aq barlyq qyzmetkerler men bilim alýshylardyń kúndelikti tańerteńgi súzgisin, buqaralyq is-sharalardy ótkizýge tyıym salýdy, kabınettik oqytý júıesin joıýdy, synyptardy bólýdi jáne ártúrli synyptar úshin úzilisterdi bólýdi, ashanalarda tamaqtanýdy uıymdastyrýda baqylaýdy kúsheıtýdi qamtıtyn sanıtarııalyq-epıdemııaǵa qarsy is-sharalardyń qatań saqtalýyn qamtamasyz etý qajet», - dedi ol.
