Alekseı Tsoı: Medıtsınalyq qyzmet sapasyn «4»-ke baǵalaımyn
«Bul óte kúrdeli másele. Densaýlyq saqtaý salasynyń jumysyn, onyń eseıgenin baǵalaý kezinde jaǵymdy da, jaǵymsyz da derekterdi kóptep keltirýge bolady. Jalpy baǵalaıtyn bolsaq, densaýlyq saqtaý júıesi Qazaqstanda qalyptasyp boldy. Óziniń artyqshylyǵy da bar. Qazir qyzmetterdiń bári birdeı sapada kórsetilýi úshin jumys istep jatyrmyz», - dedi vedomstvo basshysy.
Onyń sózine aıtýynsha, Qazaqstannyń medıtsınasy áli de bolsa damý kezeńin bastap keship jatyr.
«Іsteıtin jumys kóp. Halyqaralyq baılanystar da jaqsy jolǵa qoıylǵan. Densaýlyq saqtaý mınıstrliginiń mindeti qandaı baǵa berilse de, onyń jetildire túsý. Jańa ádisterdi, emdeýdiń jańa standarttaryn engizýimiz kerek. Eń bastysy sol jańashyldyqtar ár azamatqa jetýi tıis. 5 baldyq shkalamen eseptesek, nobaılap aıtqanda, «4» degen baǵa berýge bolatyn shyǵar», - degen mınıstr medıtsına mamandarynyń biliktiligi týraly da óz oıyn aıtty.
«Meniń oıymsha, munda da sol tórt baldyń aınalasynda baǵa qoıýǵa bolady. Kórip otyrsyzdar, dárigerler qatelikke boı aldyryp, quzyrettilik kórsete almaı jatady. Oǵan azamattar shaǵymdanady. Biraq ekinshi jaǵynan qarasaq, jarqyn tustar da joq emes. Azamattarymyz shetelge shyqpaı-aq óz elinde emdele alady. Jer-jerde teńgerimsizdik bar shyǵar. Biraq tutastaı alǵanda júıe qabiletti deýge bolady», - dedi Alekseı Tsoı.
