Alekseı Tsoı qyzmetinen bosatylýyna baılanysty málimdeme jasady
«Búgin meniń azamattyq sektorǵa ótý jáne densaýlyq saqtaý salasyn damytýǵa ǵylym men áleýmettik bastamalar arqyly úles qosý týraly sheshimim qoldaý tapty» dep jazdy mınıstr.
Onyń aıtýynsha, Memleket basshysy COVID-19 boıynsha jaǵdaıdy turaqtandyrýdy, Densaýlyq saqtaý júıesiniń áleýetin arttyrýdy tapsyrǵan.
«Biz epıdemıologııalyq qaýip-qaterlerdi jaqsartý úshin jaǵdaı jasadyq: ár óńirde jańa ınfektsııalyq aýrýhanalar salyndy, jedel járdem parkteri, jyljymaly medıtsınalyq keshender jańartyldy, otandyq farmatsevtıka ónerkásibi ónimdiliktiń joǵary deńgeıine jetti, dárilik zattar men medıtsınalyq buıymdardyń qajetti qory quryldy, SES jáne zerthanalyq qyzmetterdiń áleýeti artty, QazVac vaktsınasy shyǵaryldy jáne t.b.
El basshylyǵyna, Prezıdent Ákimshiligine, Premer-Mınıstrge, Úkimettegi áriptesterime, Densaýlyq saqtaý mınıstrligine, barlyq jergilikti atqarýshy organdarǵa, azamattyq sektorǵa, BAQ-qa, eriktilerge, úkimettik emes uıymdarǵa jáne medıtsına qyzmetkerlerine senim bildirgeni jáne Qazaqstan halqynyń ıgiligi úshin birlesip atqarǵan orasan zor jumysy úshin alǵysymdy bildirgim keledi»,-delingen Alekseı Tsoıdyń málimdemesinde.
