Alekseı Tsoı koronavırýsqa qarsy qazaqstandyq vaktsınany nelikten synap kórmegenin aıtty

NUR-SULTAN. QazAqparat – Ortalyq kommýnıkatsııalar qyzmetinde ótken onlaın brıfıngide QR Densaýlyq saqtaý mınıstri Alekseı Tsoı koronavırýsqa qarsy qazaqstandyq vaktsınanyń klınıkalyq synaqtaryna qatysqan-qatyspaǵany týraly aıtty, dep habarlaıdy QazAqparat tilshisi.

«Densaýlyq saqtaý mınıstrliginiń ortalyq apparatynan qazaqstandyq vaktsınany eshkim qabyldamaǵan. Ázirge synaq nátıjesin kútip otyrmyz. Nátıjesi shyqqannan keıin sizderge habardar etemiz, egýdi usynamyz nemese ózimizge de eilemiz», - deıdi QR Densaýlyq saqtaý mınıstri Alekseı Tsoı.

Ol qazaqstandyq vaktsınany ne sebepti ózine synap kórmegeni týraly aıtty.

«Tıimdiligi men qaýipsizdigi áli anyqtalmaǵandyqtan ony ózime saldyrmadym. Ony qabyldap kórýge daıyn eriktiler bar. Áriptesterimizdiń aıtýynsha, ony qabyldap kórgenderdiń jaǵdaılary jaqsy», - deıdi ol.