Alekseı Tsoı koronavırýs juqtyrý deńgeıi qaıta kúsheıgen álem elderin atady
«Biz álemdegi ahýalǵa árdaıym taldaý jasap otyrmyz. Taldaý barysynda Eýropa men jaqyn, alys shetelderde koronavırýstyń qaıtadan údegenin atap ótemiz. Keıingi aptada juqtyrý ósimi Germanııada 1,-1,5 paıyzǵa, Ýkraınada 1,9-2,4 paıyzǵa, Reseıde 0,8-1,1 paıyzǵa, Ispanııada 0,5-1 paıyzǵa, Frantsııada 1,8-3 paıyzǵa, Chehııada 1,8-3,7 paıyzǵa, Italııada 0,8-1,3 paıyzǵa deıin artyp otyr. TMD elderinde aýrý ósimi Qazaqstanǵa qaraǵanda 11 ese joǵary ekenin atap ótý kerek», - dedi Alekseı Tsoı OKQ-da ótken baspasóz máslıhatynda.
Onyń aıtýynsha qazir ujymdyq ımmýnıtet qalyptastyrýdyń mańyzy zor.
«Osyǵan baılanysty Dúnıejúzilik densaýlyq saqtaý uıymynyń pozıtsııasyn atap ótkim keledi. Oǵan sáıkes aýrý jappaı vaktsınatsııalaýǵa negizdelgen halyqtyń kóbiniń ımmýnıtetti bolǵan jaǵdaıda toqtaıdy. Osylaısha vaktsına basqaratyn ımmýnıtet – ınfektsııanyń aldyn alýdyń negiz ibolyp qalady. Osyǵan oraı vaktsına ázirlenbegen qazirgi ýaqytta karantındik sharalardy saqtap, qoldy óńdep, maska taǵyp, áleýmettik qashyqtyqty saqtaý kerek», - dedi ol.