Alekseı Tsoı koronavırýs týrasynda: Elde dúrbeleń joq

NUR-SULTAN. QazAqparat - QR Densaýlyq saqtaý mınıstri Alekseı Tsoı elimizde koronavırýs ınfektsııasyna qatysty jaǵdaı jaqsarǵanyn aıtty, dep habarlaıdy QazAqparat tilshisi.

«Mınıstrliktiń is-qımyly tikeleı jaǵdaıdy jaqsartýǵa baǵyttalǵan. Osy oraıda ahýaldyń jaqsarǵanyn baıqaısyzdar. Turǵyndar arasynda dúrbeleń joq ekenin kórip otyrmyz, dárihanalarda dári-dármek jetkilikti, sondaı-aq aýrýhanalarda qosymsha oryndar jasaqtaldy. ıAǵnı, qajetti sharalar qabyldandy», - dedi mınıstr Ortalyq kommýnıkatsııalar qyzmetinde.

Budan buryn habarlanǵandaı, Alekseı Tsoı qaýipsizdik talaptary saqtalmasa, aldaǵy ýaqytta elimizde karantın engizilýi múmkin ekenin aıtty.