Alekseı Tsoı koronavırýs pnevmonııasy sanynyń kúrt aýytqýyn túsindirdi
NUR-SULTAN. QazAqparat – QR Densaýlyq saqtaý mınıstri Alekseı Tsoı Qazaqstandaǵy koronavırýs pnevmonııasymen aýyrǵandar sanynyń kúrt aýytqýyn túsindirdi, dep habarlaıdy QazAqparat tilshisi.
«Bul másele únemi kóteriledi. Statıstıkalyq derekterdiń aýytqýy apta saıyn baıqalady. Ásirese bul derekter naýqastar emhana men aýrýhanalarda kóptep tirkeletin demalys kúnderine kóbirek baılanysty bolady. Emhanalar demalys kúni jabylady, turǵyndar medıtsınalyq mekemege júginý úshin kelesi aptany kútedi. Kóp jaǵdaıda kúrt ósim apta basynda tirkeledi. Apta sońynda bul kórsetkish tómendeıdi. Eń bastysy apta saıynǵy kórsetkishterdi salystyrý qajet. Qazir biz bul kórsetkishterdiń tómendep jatqanyn kórip otyrmyz», - dep jaýap berdi mınıstr Ortalyq kommýnıkatsııalar qyzmetinde tilshi suraǵyna.
Aıta keteıik, ótken táýlikte kornavırýs ınfektsııasy belgileri bar pnevmonııanyń 347 oqıǵasy tirkeldi. Bir adam qaıtys bolyp, 57 adam jazylyp shyqty.
Al 8 qyrkúıekte kornavırýs ınfektsııasy belgileri bar pnevmonııanyń 450 jaǵdaıy tirkelse, 7 qyrkúıekte – 16 jaǵdaı anyqtalǵan.
