Alekseı Tsoı Qazaqstanǵa ákelinýi múmkin koronavırýs vaktsınalary týraly aıtty
«Biz qazirgi ýaqytta Qazaqstanǵa ákelýi múmkin vaktsınalardyń bárin zerttep jatyrmyz. Bári de tirkeý protsedýrasyna baılanysty. Qazaqstan naryǵynda ol vaktsınalardyń paıda bolý kezeńine qaraı biz óz elimizde ony paıdalanyp, halyqqa ekpe jasaýǵa tyrysamyz. Sol sebepti Qazaqstanǵa qaı vaktsına birinshi kirgiziletinin boljap bilý qıyn. Biz shamamen 10 shaqty vaktsınanyń baryn kórip otyrmyz. Olar klınıkalyq synaqtyń ártúrli satysynda tur», - dedi Alekseı Tsoı Ortalyq kommýnıkatsııalar qyzmetinde ótken baspasóz máslıhatynda.
Mınıstrdiń aıtýyna qaraǵanda álem elderinde jasalyp jatqan 5-6 vaktsına klınıkalyq synaqtyń úshinshi satysynda tur.
«Sondyqtan biz bul vaktsınalardyń bizdiń naryqqa kirgeni mańyzdy. Sol sebepti vaktsınalardy óndiretin kompanııalarmen kelissóz júrgizip jatyrmyz. Bul kompanııalar Qazaqstanǵa kirip, tirkelgeni kerek. Olarmen qansha vaktsına jetkize alatyny týraly kelissózder júrgizilýde», - dedi ol.
Alekseı Tsoı osy vaktsınalardyń biri synaqtan sátti ótse qazaqstandyqtarǵa koronavırýsqa qarsy ekpe tegin nemese aqyly bolatyny týraly suraqqa jaýap berdi.
«Biz mindetti ekpege jatatyn azamattardyń sanatyn bekitkenbiz. Olarǵa tegin vaktsına egiledi. Odan keıin biz osy vaktsınalar naryqta paıda bolatyndaı jaǵdaı jasaǵymyz keledi. Sonda nıet bildirgen azamattar tumaýǵa qarsy ekpeni jasata alady. ıAǵnı, vaktsınany satyp alý múmkindigi jolǵa qoıylýy kerek», - dedi ol.
Eske salsaq, Densaýlyq saqtaý mınıstrligi vaktsınalaý - ınfektsııalyq aýrýlardan qorǵanýdyń tıimdi ádisi ekenin jetkizdi. Qazaqstandyq ǵalymdar 7 vaktsına daıyndaý tehnologııasyn jasady. DDSU qazaqstandyq vaktsınany klınıkalyq zertteýlerden ótkizýge kelisim berdi. Koronavırýsqa qarsy vaktsına salynatyn táýekel tobyndaǵy adamdar aıqyndaldy. Qazaqstanda koronavırýsqa qarsy vaktsına baǵasy qansha bolýy múmkin ekeni de aıtyldy.