Alekseı Tsoı Qaraǵandyda shyǵarylyp jatqan vaktsınaǵa qatysty pikir bildirdi

NUR-SULTAN. QazAqparat – Koronavırýsqa qarsy vaktsına kestege sáıkes jetkizilip, óńirler suranysy qamtamasyz etiledi. Bul týraly QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Memleket basshysy vaktsınalaý baǵdarlamasyn qoldap otyr. Vaktsına saldyryp, óziniń azamattyq ustanymyn kórsetti. Biz Qaraǵandyda jasalǵan vaktsınany («Spýtnıkom V») Qazaqstanda shyǵarylǵan dep sanaımyz. ıAǵnı ol Qazaqstanda, otandyq zaýytta shyǵarylǵan vaktsına. Budan bólek, otandyq ǵalymdar daıyndap jatqan QazSovid-in vaktsınasy da Qazaqstanda óndiriledi. Bul turǵyda biz qandaı da bir problemany kórip turǵanymyz joq», - dedi A. Tsoı Ortalyq kommýnıkatsııalar qyzmetinde.

Osy oraıda mınıstr Memleket basshysy vaktsınalaý ár azamat úshin mańyzdy ekenin, álem elderi moıyndaǵan qadam bolyp sanalatynyn aıqyn kersetkenin atap ótti.

«Sondyqtan el halqyn vaktsına saldyryp, ujymdyq ımmýnıtet qurýǵa shaqyramyz», - dedi Alekseı Tsoı.

Eske sala keteıik, jaqynda Memleket basshysy Qaraǵandy farmatsevtıka zaýyty shyǵarǵan «Spýtnık-V» vaktsınasyn saldyrdy.