Alekseı Tsoı: Іndettiń órshýine halyqtyń mereke kúnderi saqtyq sharalaryn elemeýi sebep boldy
«Jalpy respýblıkada ótken jyldyń qarasha aıynan bastap koronavırýs ınfektsııasyn juqtyrǵan azamattardyń kóbeıgeni baıqalady. Qazan aıymen salystyrǵanda qarashada juqtyrý deńgeıi 4,5 ese, qarasha aıymen salystyrǵanda jeltoqsanda 1,2 ese ósken. Juqtyrý deńgeıiniń artý tendentsııasy qańtar aıynda da saqtalýda. Buǵan jeltoqsan jáne qańtar aılaryndaǵy merekeler kezinde halyqtyń aldyn alý sharalaryn saqtamaýy sebep bolyp otyr», - dedi Alekseı Tsoı Úkimet otyrysynda.
Mınıstr keltirgen málimetke sáıkes, qańtar aıyndaǵy 19 kúnniń ishinde koronavırýs ınfektsııasyn 14 625 adam juqtyrǵan.
«Juqtyrý deńgeıiniń artýy Shyǵys Qazaqstannan basqa barlyq aımaqta baıqalýda. Osy jyldyń 19 qańtaryndaǵy jaǵdaı boıynsha ınfektsııalyq jáne jan saqtaý tósek oryndarynyń tolymdylyǵy 23 jáne 32 paıyzdy qurap otyr. Monıtorıng málimetteri boıynsha, tósek oryndary qorynyń tolymdylyǵy qadaǵalanatyn deńgeıde», - dedi ol.