Alekseı Tsoı: Іndet qaıta órshise, qosymsha sharalar qabyldaımyz
«Jalpy búkil álemde kúzde jáne qysta juqtyrylǵan respıratorly vırýsty ınfektsııa (JRVI), tumaý aýrýlarynyń órship ketetini belgili. Endi olarǵa koronavırýs ınfektsııasy da qosylyp otyr. Sol sebepti qazirgi ýaqytta jaǵdaıdyń bulaısha órshýine barynsha daıyndalyp jatyrmyz. Tumaýǵa qarsy jyl saıyn júrgiziletin maýsymdyq vaktsınatsııa josparlanǵan. Sonymen qatar Densaýlyq saqtaý mınıstrligi rezervtegi tósek oryndardy da daıyndap jatyr. PTR-testtar boıynsha qosymsha qor ázirlenýde. Sol sekildi qoımalarda dári-dármek qory da jınalýda», - dedi Alekseı Tsoı OKQ-da ótken baspasóz máslıhatynda.
Mınıstr Qazaqstanda karantın sharalary birden alynyp tastalmaıtynyn, kezeń-kezeńimen jeńildetiletinin jetkizdi.
«Eger aýrý taǵy da kúrt ósip, ketse biz qosymsha sharalar engizemiz», - dedi ol.
Eske sala ketsek, buǵan deıin Alekseı Tsoı eldegi epıdemıologııalyq ahýal jaıly aıta kele qıyn kezeńniń artta qalǵanyn málim etken bolatyn.