Alekseı Tsoı epıdemıologııalyq ahýaldyń jańartylǵan boljamyn jarııa etti
«Mınıstrlik epıdemıologııalyq ahýaldy jáne vaktsınatsııamen qamtýdy eskere otyrp, epıdemıologııalyq ahýal boljamyn jańartty. Atap aıtqanda, vaktsınatsııa tıimdiligi 60 paıyzdan tómen bolǵan kezdegi pessımıstik stsenarıı barysynda 2021 jyldyń maýsym-qyrkúıek aılarynda tirkelgen jaǵdaılardyń sany shamamen 95 myń adamdy quraıdy. Al vaktsınatsııa tıimdiligi keminde 80 paıyz bolǵandaǵy ekinshi relalıstik stsenarıı boıynsha 2021 jyldyń maýsym-qyrkúıektegi tirkelgen jaǵdaılardyń boljamdy sany shamamen 69 myń adam bolady», - dedi mınıstr.
Onyń atap ótýinshe, vaktsına tıimdiligi keminde 95 paıyz bolǵan kezdegi optımıstik stsenarıı barysynda 2021 jyldyń maýsym-qyrkúıegindegi tirkelgen jaǵdaı shamamen 61 myń adamǵa jetedi.
«Bul rette joǵarydaǵy úsh stsenarııdiń biriniń júzege asyrylýy vaktsınatsııa máselesindegi azamattardyń belsendiligine tikeleı baılanysty ekendigin atap ótken jón. Osyǵan oraı jergilikti atqarýshy organdar vaktsınatsııamen qamtýdy arttyrý boıynsha is-sharalar qabyldaýy jáne halyq arasynda aqparattyq túsindirý jumystaryn júrgizýi maqsatqa saı bolap dep esepteımiz», - dedi Alekseı Tsoı.
