Alekseı Tsoı epıdahýal boıynsha 2021 jyldyń sońyna deıingi boljamdy jarııa etti
«Densaýlyq saqtaý mınıstrliginiń boljaý jónindegi jumys toby 2021 jyldyń sońyna deıin shekteý sharalary kúshinde bolǵandaǵy epıdjaǵdaıdyń damýyna boljam jasady. Іndetti juqtyrý deńgeıi osy jyldyń naýryz aıynyń sońynda kóp tirkelýi múmkin. Optımıstik stsenarıı boıynsha táýligine 3 myń jaǵdaıǵa deıin kútilýde, al tósek qorynyń barynsha qamtylýy 24 myńǵa deıin jetýi múmkin. Degenmen, atalǵan stsenarıı kezinde qatań karantın talaptaryn engizý josparlanyp otyrǵan joq», - dedi Alekseı Tsoı Úkimet otyrysynda.
Mınıstr sonymen qatar realıstik jáne pessımıstik stsenarıı boıynsha kún saıyn 6 jáne 9 myń adam indet juqtyrýy múmkin ekenin aıtady. Al tósek qorynyń qamtylýy 45 myńǵa deıin jetedi. ıAǵnı KVI-men aýyratyn naýqastarǵa qoljetimdi 52 myń tósekten aspaıdy, biraq densaýlyq saqtaý júıesine shamadan tys júkteme túsirmeı, sapaly medıtsınalyq qyzmetti qamtamasyz etý úshin qatań karantın talaptaryn engizý qajet bolady.
«Birinshi kezeńde 2 mıllıon adamdy vaktsınalaý epıdemııanyń damýyna oń áser etedi. Bizdiń esepteýimizshe, 2 mıllıon adamdy vaktsınalaý tirkelgen jaǵdaılardyń sanyn 40 myńǵa azaıtady. Tıisinshe, vaktsınamen qamtý neǵurlym joǵary bolsa, KVI-men syrqattanýshylyq pen ólim-jitim azaıady, shekteý sharalary men lokdaýnsyz ómirge oralý yqtımaldyǵy artady. Pandemııanyń damýynyń osy kezeńinde búkil álem ózin-ózi oqshaýlaý men karantınge jalǵyz balama – vaktsınalaý ekenin túsindi», - dedi mınıstr.