Alekseı Tsoı eks-mınıstr Birtanovqa: Jyldam saýyǵyp, qatarǵa oralýyńyzdy tileımin

NUR-SULTAN. QazAqparat – Búgin Densaýlyq saqtaý mınıstri laýazymyna taǵaıyndalǵan Alekseı Tsoı eks-mınıstr Eljan Birtanovqa tez saýyǵyp ketýin tiledi, dep habarlaıdy QazAqparat.

«Qurmetti Eljan Amantaıuly! El úshin kúrdeli osynaý kezeńde Siz koronavırýspen kúreste alǵy shepte júrdińiz. Sizdiń óńirlerdegi jáne ınfektsııa oshaqtaryndaǵy, tikeleı halyqpen jáne mamandarmen jumysyńyz densaýlyq saqtaý júıesindegi pozıtıvti ózgeriske alyp keldi. Ókinishke qaraı, vırý eshkimdi aıap jatqan joq. Jyldam saýyǵyp, qatarǵa oralýyńyzdy shyn júrekten tileımin», - dep jazdy A.Tsoı Facebook-tegi paraqshasynda.

Eske salaıyq, búgin QR Prezıdentiniń Jarlyǵymen Alekseı Vladımırovıch Tsoı Densaýlyq saqtaý mınıstri qyzmetine taǵaıyndaldy.

Onyń aldynda Májilis depýtattary onyń kandıdatýrasyn biraýyzdan maquldady.

Bıylǵy 22 maýsym kúni A.Tsoı Densaýlyq saqtaý birinshi vıtse-mınıstri bolyp taǵaıyndalǵan edi.