Alekseı Tsoı bıologııalyq qaýipsizdik týraly zań jobasyndaǵy negizgi qadamdardy atady

NUR-SULTAN. QazAqparat - QR Densaýlyq saqtaý mınıstri Alekseı Tsoı «Qazaqstan Respýblıkasynyń bıologııalyq qaýipsizdigi týraly» zań jobasyndaǵy eskerilgen qadamdardy atady, dep habarlaıdy QazAqparat tilshisi.

Atalǵan zań jobasynda birinshi oqylymda Májilistiń jalpy otyrysynda qaralyp jatyr.

Mundaı qaýip-qaterlerge qarsy is-qımyldyń tıimdi júıesin qalyptastyrý talap etiledi, ol úshin zań jobasynda:

1) Qazaqstan Respýblıkasynyń Ulttyq qaýipsizdik strategııasy;

2) bıoagenttermen jumys isteýge qoıylatyn talaptardy birizdendirý;

3) mıkroorganızmderdiń ulttyq jáne jumys kollektsııalarynyń qyzmetin reglamentteý;

4) úılesimdi memlekettik basqarý júıesin qurý;

5) patogendi bıoagentterdiń aınalymy týraly derekterdi esepke alý men monıtorıngteýdiń biryńǵaı júıesin qurý;

6) bıotáýekelderdi basqarý júıesin engizý;

7) bıologııalyq qaýip-qaterlerdi boljaý júıesin qurý;

8) profıldi qyzmetter men halyqtyń tótenshe yqtımal jaǵdaılarǵa daıyndyǵyn qamtamasyz etý;

9) memlekettik retteýdiń preventıvti fýnktsııasyn kúsheıtý aıasynda retteý usynylady.

«Zań jobasy úkimettik nusqada joǵaryda atalǵan tásilderdi iske asyrýǵa baǵyttalǵan 8 taraýdan jáne 32 baptan turady, sonymen qatar, qoldanysqa engizý úshin alty aılyq ótpeli kezeńdi jáne patogendi bıoagenttermen jumys isteýge ruqsattardy resimdeý jáne qaıta resimdeý úshin qosymsha 6 aıdy kózdeıdi. Respýblıkalyq bıýdjettik komıssııa zań jobasyn iske asyrýǵa shamamen 25 mlrd teńge mólsherinde 2022-2024 jyldarǵa arnalǵan shyǵystardy maquldady. Bul shyǵystarǵa beıindi qyzmetkerlerdi áleýmettik qorǵaý, memlekettik zerthanalyq bazany qosymsha jaraqtandyrý, bıoqaýipsizdik salasynda biryńǵaı memlekettik aqparattyq júıeni qurý jáne júrgizý, mıkroorganızmder kollektsııasyn ustap turý shyǵystary kiredi», - dedi Alekseı Tsoı.