Alekseı Tsoı bes jylda salynatyn medıtsınalyq nysandar týraly aıtty
NUR-SULTAN. QazAqparat – 2025 jylǵa qaraı jóndeýmen jáne qurylyspen medıtsınalyq-sanıtarlyq alǵashqy kómektiń 1095 nysany qamtylady. Bul týraly Úkimet otyrysynda QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.
«Aldaǵy 5 jylda 95 mlrd teńgege 515 ambýlatorlyq-emhanalyq uıymnyń qurylysy josparlanǵan. Onyń ishinde 211 medıtsınalyq, 158 feldsherlik-akýsherlik pýnkt, 127 dárigerlik ambýlatorııa men medıtsınalyq-sanıtarlyq alǵashqy kómektiń 19 emhanasy men ortalyǵy qamtylǵan», - dedi mınıstr.
Onyń aıtýynsha, óńir ákimdikteri medıtsınalyq-sanıtarlyq alǵashqy kómektiń tozyǵy jetken 580-nen astam nysanynda kúrdeli jóndeý júrgizýdi josparlap otyr. Nátıjesinde, 2025 jylǵa qaraı jóndeýmen jáne qurylyspen medıtsınalyq-sanıtarlyq alǵashqy kómektiń 1095 nysany qamtylady.
Budan buryn habarlanǵandaı, Alekseı Tsoı bıyl aýyldy eldi mekenderderde medıtsınalyq-sanıtarlyq alǵashqy kómektiń 90 nysany salynatynyn aıtty.
