Alekseı Tsoı baspasóz máslıhatyn nege uzaq ýaqyt ótkizbegenin túsindirdi

NUR-SULTAN. QazAqparat – Densaýlyq saqtaý mınıstri Alekseı Tsoı baspasóz máslıhatyna nelikten uzaq ýaqyt boıy shyqpaǵanyn túsindirdi, dep habarlaıdy QazAqparat tilshisi.

«Sheshilýi tıis ótkir de ózekti problemalar kóp boldy. Aımaqtarǵa kóp bardyq. Koronavırýs taraǵan oryndardy tekserdik. Aýrýhanalarǵa baryp, áriptestermen kezdestik. Ár aımaqta qandaı jumys júrgizilýi kerektigin túsindirdik», - dedi Alekseı Tsoı Ortalyq kommýnıkatsııalar qyzmetinde ótken baspasóz máslıhatynda.

Mınıstrdiń aıtýyna qaraǵanda halyqaralyq uıymdardyń ókilderimen de birneshe kezdesý ótken.

«Atqarýǵa mindetti sharýalar kóp boldy. Aımaqtyq formatta da kezek kúttirmeıtin sharýalar kóp edi. Búgin baspasóz máslıhatyn ótkizýdi josparladyq. Aldaryńyzǵa shyqtyq. Sizderdi mazalaǵan máseleler boıynsha suraqtarǵa jaýap berýge daıynbyz», - dep túıdi mınıstr.