Alekseı Tsoı Baqytjan Saǵyntaevpen kezdesti

NUR-SULTAN. QazAqparat - Densaýlyq saqtaý mınıstri Alekseı Tsoı Almatyǵa issapary barysynda qala ákimi Baqytjan Saǵyntaevpen jáne medıtsına qyzmetkerlerimen kezdesti, dep habarlaıdy QazAqparat QR Densaýlyq saqtaý mınıstrliginiń Telegram kanalyna silteme jasap.

Júzdesýde qazirgi epıdjaǵdaı jáne koronavırýs ınfektsııasyna qarsy kúres boıynsha qabyldanyp jatqan sharalardyń tıimdiligin talqylandy.

A.Tsoı KVI boıynsha jaǵdaı Memleket basshysy men Úkimettiń erekshe baqylaýynda ekenin atap ótti. Sondyqtan Almatyda COVID-19-ǵa qatysty jaǵdaıdy turaqtandyrý úshin jergilikti atqarýshy organdardyń, Densaýlyq saqtaý mınıstrligi, qalalyq Densaýlyq saqtaý basqarmasy mamandarynyń, jetekshi klınıtsıster men sanepıdbaqylaý qyzmeti mamandarynyń, Medıtsınalyq jáne farmatseptıkalyq baqylaý komıteti qyzmetkerleriniń qatysýymen kóshpeli shtab ótkizý týraly sheshim qabyldandy.

Mınıstr máseleni ınfektsııanyń odan ári taralý qaýpin, vırýstyń jańa mýtatsııalaryn eskere otyryp sheshýge nazar aýdardy.