Alekseı Tsoı Almatydaǵy rezervtik aýrýhanalardyń qýattyn arttyrýdy tapsyrdy
ALMATY. QazAqparat - Densaýlyq saqtaý mınıstri Alekseı Tsoı Almaty medıtsınalyq aktıviniń aldyna birqatar mańyzdy mindet qoıdy, dep habarlaıdy Qazaqparat vedomstvonyń baspasóz qyzmetine silteme jasap.
Mınıstr qaladaǵy epıdemıologııalyq ahýaldy baqylaýdyń jetkiliksizdigin tilge tıek etti. Osylaısha, A.Tsoı Almaty medıtsınalyq aktıviniń aldyna birqatar mańyzdy mindet qoıdy, olardy qysqa merzimde sheshý qajettigi de aıtyldy.
Atap aıtqanda, rezervtik aýrýhanalardyń qýattyn arttyrý, KVI taralýynyń algorıtmin ázirleý, shahardaǵy eresek halyqty vaktsınamen barynsha qamtý úshin ekpeniń qosymsha kólemin jetkizý, dári-dármekpen qamtamasyz etý.
Mınıstr alǵashqy medıtsınalyq-sanıtarlyq kómek, naýqastarmen baılanysqa túsken adamdardy der kezinde qalalyq emhana deńgeıinde anyqtaý, tekserý jáne baqylaý sharalaryn júzege asyrýǵa basa nazar aýdardy. Ol koronavırýstyń taralý oshaqtaryn ýaqtyly zertteýdiń mańyzdylyǵyn atap ótip, KVI jaǵdaılarynyń baqylaýsyz ósýine sebep bolýy múmkin ekendigine ekpin berdi. Kezdesý barysynda naýqastarmen baılanysta bolǵan adamdardy ýaqytyly anyqtaý, olardyń densaýlyq jaǵdaıyn baqylaý jáne monıtorıng júrgizý qajetti aıtyldy.
Eske sala ketsek, Densaýlyq saqtaý mınıstri Alekseı Tsoı Almatyda sanepıdbaqylaý, medfarmbaqylaý aýmaqtyq departamentteri mamandarynyń qatysýymen KVI-men kúres jónindegi shtabtyń kóshpeli otyrysyn ótkizdi.
