Alekseı Tsoı Almatydaǵy «Mega» SOO-daǵy vaktsınatsııa pýnktine bardy

ALMATY. QazAqparat - Almatyǵa jumys sapary kezinde densaýlyq saqtaý mınıstri Alekseı Tsoı «MEGA Alma-Ata» SOO vaktsınatsııalaý pýnktinde bolyp, onyń jumysynyń uıymdastyrylýymen tanysty, dep habarlaıdy atalmysh vedomostvonyń baspasóz qyzmetine silteme jasap.

Ol protsedýranyń qaýipsizdigi úshin barlyq jaǵdaılardyń, sonyń ishinde vaktsınany saqtaýǵa arnalǵan tońazytqysh jabdyqtardyń bar-joǵyn tekserip, vaktsınatsııa alǵysy keletinderdi qabyldaý algorıtminiń saqtalýyna kóz jetkizdi.

Patsıenttermen áńgime barysynda mınıstr SOO alańynda jasalǵan jaǵdaılar týraly adamdardyń pikirlerin muqııat tyńdady.

№ 4 emhananyń bas dárigeri, vaktsınatsııa jónindegi úılestirýshi Zýhra Omarovanyń aıtýynsha, kún saıyn saýda ortalyǵyna ekpe salǵysy keletinder kóp. Pýnkt 10 sáýirde jumys isteı bastady, al 6 kún ishinde munda 1,5 myń adam nemese kúnine orta eseppen 285 adam koronavırýstyq ekpe aldy.

«Halyq yqylaspen keledi. Keıbireýler juqtyrý qaýpine ushyramaý úshin emhanaǵa barýdan aýlaq bolady, al deni saý adamdar osynda keledi. Kelýshiler úshin qolaıly jaǵdaılar jasalǵan. Ázirge vaktsınany engizýge jaǵymsyz reaktsııalardyń birde-bir jaǵdaıy tirkelgen joq», - deıdi maman.

65 jastan asqan qart adamdar vaktsınatsııany alý úshin SOO-ǵa júginedi. Patsıentterdiń arasynda 92 jastaǵy qart bar, vaktsınatsııaǵa nıet bildirgen qarııaǵa ekpe salyndy.

Saýda ortalyqtaryndaǵy egý pýnktteri barlyq qajetti sanıtarlyq normalardy saqtaı otyryp, patsıentti mindetti túrde tekserip, surastyra otyryp jumys isteıtinin atap ótken jón. Vaktsınatsııadan keıin 30 mınýt ishinde ár patsıent baqylaýda bolady. Keıin onyń densaýlyq jaǵdaıy ózi tirkelgen emhananyń baqylaýyna ótedi.

Búgingi tańda Almatyda medıtsınalyq mekemelerdi, mektepterdi, SOO men bazarlardy qosa alǵanda, jalpy 208 ekpe pýnkti jumys isteıdi.