Alekseı Tsoı Almatydaǵy medıtsınalyq mekemelerdiń jumysymen tanysty

ALMATY. QazAqparat - QR Densaýlyq saqtaý mınıstri Alekseı Tsoı jumys saparymen Almaty qalasyna bardy. Eki kúndik sapary barysynda medıtsınalyq mekemelerdi aralap, medıtsına qaýymdastyǵymen kezdesý ótkizdi.

Eń áýeli «№17 qalalyq emhana» MKK-da boldy. Kópbeıindi emhana 2010 jyly salynǵan bolatyn. Bir aýysymda 630 adamdy qabyldaýǵa qaýqarly jáne medıtsınalyq qyzmettiń birneshe túri kórsetiledi.

Jol kartasy tapsyrmasyn oryndaý maqsatynda Almaty qalasynyń DSB shahardaǵy medıtsınalyq mekemelerdiń barlyǵyn jańǵyrtýdan ótkizip, bir ortaǵa biriktirýde. Qazirgi tańda bul emhanaǵa onkologııalyq, ftızııatrlyq, narkologııalyq jáne psıhıatrııalyq qyzmetter enip otyr.

Halyqqa joǵary qyzmet kórsetetin ınnovatsııalyq tehnologııalar qoldanylýda. 2011 jyly alǵash ret «№17 qalalyq emhana» «Kezeksiz emhana» tájirıbesinen ótti. ıAǵnı, aldyn ala jazylý arqyly qabyldaýdy bastady. Emhananyń árbir qabatynda elekrondy aqparattandyrý taqtasy ornatylǵan. Naýqastar kezegin, ýaqyt jáne dárigerlerdiń júktemesin kóre alady. e-gov portaly arqyly da memlekettik qyzmetter sapasyn anyqtaýǵa bolady. Sonymen qatar, emhanada múmkindigi shekteýli jandar úshin qolaıly jaǵdaı jasalyp jatyr.

Sondaı-aq, mınıstr Alekseı Tsoı «Ulttyq saraptama» respýblıkalyq mekemesinde boldy. USO-nyń barlyq aımaqtyq qamtıtyn fılıaldary bar. Negizinen sanıtarlyq-epıdemıologııalyq saraptamalardy jáne zertteýlerdiń sapasy men merzimin jetildirip jatyr. Qoǵamdyq densaýlyq saqtaý júıesi úshin naqty nátıjeler usynady. Epıdemııaǵa qarsy aldyn alý sharalaryn jasaýǵa úlken septigin tıgizip otyr.

Sonymen qatar, mınıstr 500 tósek-orynǵa shaqtalyp salynyp jatqan «I. Jekenov atyndaǵy qalalyq ınfektsııalyq aýrýhana» MKK qurylysymen tanysty. Aıta keterligi, sońǵy 7 aıda álemdik tájirıbege súıene otyryp jasalǵan transformatsııalaý qalanyń densaýlyq salasyna sony serpin bergen. Atap aıtqanda, ólim-jitim kórsetkishi aıtarlyqaı tómendegen.

17 qyrkúıektegi jaǵdaı boıynsha qalada 14 328 adam COVID-19 juqtyrǵan. Sońǵy bir táýlikte 3 jańa jaǵdaı tirkelgen. Qazirgi tańda 13 941 adam jazylyp shyqty nemese 97,5%. Qaıtys bolǵandar sany 270 adam.

Qalada 6211 tósek-orny jáne 250 reanımatsııalyq orny bar 27 kovıdtik emhana daıyndalǵan. Qazirgi ýaqytta 1923 tósek-orynǵa shaqtalǵan 17 emhana jumys istep tur. 4288 oryn rezervte tur.