Alekseı Chýrkın aýyr atletıkadan álem chempıonatynyń kúmis júldegeri atandy

ASTANA. KAZINFORM – Qazaqstandyq Alekseı Chýrkın aýyr atletıkadan Bahreınniń Manama qalasynda ótip jatqan álem chempıonatynda kúmis júldeger atandy.

Qostanaılyq atlet A.Chýrkın 81 kelige deıingi salmaqta 368 kelini (164+204) baǵyndyryp, ekinshi orynǵa kóterildi.

Qossaıys qorytyndysynda 371 kelini ıgergen soltústikkoreıalyq Rı Chong Song (166+205) jeńimpaz atandy.

Ózbekstandyq Mýhammadkodır Toshtemırov (165+190) 355 kg kórsetkishpen úzdik úshtikke ilikti.

Taǵy bir qazaqstandyq Aleksandr Ývarov 351 kelini (160+191) baǵyndyryp, besinshi orynnan kórindi.

Áıelder arasynda Rıo Olımpıadasynyń qola júldegeri Karına Gorıcheva (64 kg) V tobynda óner kórsetip, 208 kg (95+113) nátıjemen 8-orynǵa ıe boldy.

Eske sala keteıik, budan buryn aýyr atletıkadan álem chempıonatynda Aqmolda Saıremkezdiń saıysqa túsetinin jazǵan bolatynbyz.

A.Saıramkez de júldesiz qaldy.