Aleksanın semserlesýden álem kýbogy kezeńiniń júldegeri atandy
ASTANA. QazAqparat - Qazaqstandyq Dmıtrıı Aleksanın Shveıtsarııanyń Bern qalasynda semserlesýden ótip jatqan álem kýbogy kezeńiniń qola júldegeri atandy, dep habarlaıdy QazAqparat tilshisi.
Qazaqstan Ulttyq olımpıada komıteti málim etkenindeı, shpagadan synǵa túsken qazaqstandyq sportshy jartylaı fınalǵa deıin súringen joq.
Fınal joldamasy úshin básekede Aleksanın álem chempıonatynyń eki márte júldegeri, Rıo Olımpıadasyna qatysqan nıderlandtyq Bas Verveılenge 10: 15 esebimen ese jiberdi.
Osylaısha D.Aleksanın álem kýbogy kezeńiniń qola júldegeri atandy. Bul jeńisiniń arqasynda qazaqstandyq shpaga sheberi álemdik reıtıngte jetinshi orynǵa kóterildi.
Aıta keteıik, bıyl semserlesýden Azııa oıyndarynyń jeńimpazy atanǵan Dmıtrıı álem chempıonatynda úzdik altylyqtyń qataryna ilikken bolatyn. Azııa oıyndarynda fınalda koreıalyq Pak San Endi utsa, álem chempıonatynda shırek fınalda keıin osy dodanyń jeńimpazy atanǵan frantsýz ıAnnık Borelden utylǵan edi.
Almatyda turatyn D.Aleksanın semserlesýmen shpagadan erler arasynda Qazaqstan quramasynyń aǵa bapkeri Valerıı Demovtiń qol astynda 2002 jyldan beri aınalysyp keledi.
2012 jyly London Olımpıadasyna qatysqanymen, alǵashqy aıqasynda-aq venesýelalyq Sılvıo Fernandeske 12:15 esebimen ese jiberdi.
Aleksanın úshin aldaǵy basty maqsat - Tokıo Olımpıadasyna joldama alyp, onda sátti óner kórsetý.
