Aleksandrııada teńiz túbinde murajaı ashpaq (FOTO)
ASTANA. QazAqparat - Eger jádigerlikterdi týrısterge jetkizý múmkin bolmasa, onda týrısterdi artefaktilerge jetkizýge týra keledi. Egıpettik Aleksandrııa qoınaýynda sý astynda qalǵan kórnekti oryndar jatqan teńiz túbinde biregeı murajaı ashýdy josparlanýda.
Osynaý órshil jobany júzege asyrýǵa 150 mln. dollar jumsaý kózdelip otyr. Murajaı sý astyndaǵy alty metr tereńdiktegi qaraý alańqaılaryna aparatyn tonnelderimen tórt bıik ǵımarattardan turatyn bolady.
Buǵan qosa murajaıda týrısterdi kórnekti oryndarǵa jetkizetin qabyrǵalary móldir sýbmarınalar jumys jasaıtyn bolady. Osylaısha, kelýshiler ejelgi dúnıeniń jeti keremetteriniń biri Faros shamshyraǵynan qalǵan jádigerlikterdi tamashalaı alady. Sonymen qatar, Kleopatra saraıy úıindilerin kóre alady, onda sfınkstiń músini saqtalǵan.
Alesandrııanyń kóptegen qazynalary Ortaǵasyrlarda bolǵan jer silkinisteriniń saldarynan sý túbine ketti. Teńiz astynda barlyǵy 2500 baǵaly tas nysandar jatyr. Eger murajaı salynatyn bolsa, bul kórnekti oryndarǵa ekinshi ómir syılaıdy.
Murajaı jobasyn egıpettik ejelgi eskertkishter mınıstrliginiń tapsyrysymen frantsýz sáýletshisi Jak Rýjerı jasady. Basty problema Aleksandııa qoınaýyndaǵy sý óte lastanǵan, bul artefaktilerdi qaraýdy qıyndatady jáne olardyń búlinýin tezdete túsedi, dep atap ótedi ıÝNESKO.
Eger de qaıtkende de, joba júzege asatyn bolsa, ony kórýge jylyna 3 mıllıonǵa deıin týrıster aǵylady, dep jazady Moıa planeta .
