Aleksandrııa kitaphanasynyń mamandary Qazaqstandaǵy sırek qoljazbalardy qazaq ǵalymdarymen birge zertteıdi
Qazaqstan Respýblıkasynyń Egıpet Arab Respýblıkasyndaǵy Tótenshe jáne Ókiletti Elshisi Qaırat Lama Sharıf Aleksandrııa kitaphanasyna bardy.
«Kitaphana dırektory doktor Mustafa ál-Fıqhı ózi basqaryp otyrǵan zamanaýı úlgide jabdyqtalǵan rýhanı qazyna ordasynyń jetistikterimen tanystyrdy. Óz kezegimde Qazaqstan Respýblıkasynyń Táýelsizdiginiń 30 jyldyǵyna arnalǵan mádenı-tanymdyq sharalardy álemge áıgili Aleksandrııa kitaphanasynda birigip ótkizýdi usyndym. Mysyr tarapy usynys-pikirlerime qoldaý bildirdi», dep jazdy elshi Facebook -tegi paraqshasynda.
Ol Qazaqstan Respýblıkasynyń Tuńǵysh Prezıdenti – Elbasy kitaphanasy týraly áńgimelep bergen.
Sondaı-aq, Qaırat Lama Sharıf Aleksandrııa kitaphanasy týraly birqatar málimetti jarııalady.
«Barshamyzǵa málim, Aleksandrııa qalasynyń ataýy Eskendir Zulqarnaıyn (Aleksandr Makedonskıı) esimimen baılanysty. Antıka dáýirinde Jerorta teńizi jaǵalaýynda ornalasqan osy kóne shaharda sol zamanǵy júz myńdaǵan qoljazbalardy qamtyǵan Aleksandrııa kitaphanasy dúnıejúzine máshhúr bolǵan. Ókinishke oraı, bizdiń eramyzǵa deıingi ıÝlıı Tsezar zamanynda Aleksandrııa kitaphanasy órtenip ketedi.
1974 jyly Aleksandrııa ýnıversıtetiniń bir top ǵalymdary Aleksandrııa kitaphanasyn zamanaýı úlgimen qaıtadan salý týraly bastama kóteredi. Egıpettiń burynǵy Prezıdenti Husnı Múbarak bul usynystardy qoldaıdy», - dep jazdy elshi.
ıÝNESKO óz kezeginde Aleksandrııa kitaphanasynyń jobasy týraly 18 eldiń bilikti mamandarynan quralǵan halyqaralyq komıssııany jasaqtaıdy.
Asýanda ótken halyqaralyq konferentsııada Egıpet (120 mln), Saýd Arabııasy, Birikken Arab Ámirlikteri jáne Irak (65 mln), 26 shet elder (27 mln AQSh dollary) kóleminde qarjylyq kómek kórsetedi.
1992-2001 jyldary Aleksandrııa kitaphanasynyń qurylysy júrgizilip, 2002 jyldyń 16 qazanynda saltanatty túrde ashylady.
Qazir kitaphananyń qorynda 8 mıllıonǵa kitap bar. 2010 jyly Frantsııanyń ulttyq kitaphanasy 500 myńǵa jýyq kitapty syıǵa tartty.
Kitaphananyń 11 deńgeıden turatyn basty oqý zaly 70 myń sharshy metr. Ǵımarattyń ishinde konferents ortalyq, tanymal jazýshy Taha Hýseın atyndaǵy zaǵıp jáne kórý qabileti tómen azamattar úshin arnaıy kitaphana, balalar kitaphanasy, úsh mýzeı, tórt kórme zaldary, qoljazbalardy qalpyna keltirý zerthanasy jumys isteıdi.
«Aleksandrııa kitaphanasynyń qoljazbalardy qalpyna keltirý zerthanasy mamandarynyń nazarlaryn Qazaqstan Respýblıkasynyń Bilim jáne ǵylym mınıstrligine qarasty «Ǵylym ordasy» RMK Ortalyq ǵylymı kitaphanasynda óte qundy sırek kitaptar men qoljazbalar bar ekenine aýdardym. Qazaqstannyń orta ǵasyrdaǵy tarıhy týraly syr shertetin Sırek kitaptar qoryndaǵy 91 myń dana, qoljazbalar qoryndaǵy 22 myń dana, shyǵys ádebıetteri qoryndaǵy 9,9 myń danany qazaq ǵalymdarymen birlesip zertteýge shaqyrdym.
Sonymen qatar bul birlesken qazaq-mysyr jobasy Almaty qalasyndaǵy Qazaqstan Respýblıkasynyń Ulttyq kitaphanasynyń kitap qorynda 30 myńǵa jýyq sırek kitaptar men qoljazbalar Máńgilik Uly dala Elimiz tarıhynyń keıbir beımálim betterin toltyrýǵa septigin tıgizetine mán berdim. Qazaqstan Respýblıkasynyń Prezıdenti Qasym-Jomart Toqaev «Táýelsizdik bárinen de qymbat» atty maqalasynda jáne Elbasymyz Nursultan Nazarbaev «Bolashaqqa baǵdar: rýhanı jańǵyrý» atty maqalasynda osy tarıhı máselelerge erekshe toqtalǵanyn atap óttim.», - dedi Qaırat Lama Sharıf.
Onyń aıtýynsha, Aleksandrııa kitaphanasynyń mamandary bul usynystardy qoldap, birigip atsalysýǵa daıyndyqtaryn bildirdi.
