Aleksandra Skorohodova taý shańǵysynan Italııadaǵy týrnırde kúmis júldege ıe boldy

ASTANA. KAZINFORM – Qazaqstan quramasynyń sportshysy Aleksandra Skorohodova taý shańǵysynan Italııanyń Potstse-dı-Fasse qalasynda ótip jatqan Ashyq chempıonatta ekinshi oryn aldy. Bul týraly UOK jazdy. 

Qazaqstandyq sportshy slalom jarysynda kúmis medalǵa ıe boldy.

Birinshi oryndy ıtalııalyq Francheska Fantı ıelendi. Úshinshi orynǵa Valentına Fıll (Italııa) jaıǵasty.

Aıta keteıik, buǵan deıin otandasymyz FIS týrnırinde altyn medalǵa ıe bolǵan edi.

Aleksandra Skorohodova Qazaqstan atynan 2026 jylǵy Olımpıada oıyndarynda óner kórsetedi.

Qosa ketsek, budan buryn Norvegııanyń Shýshen qalasynda ótetin bıatlonnan ashyq Eýropa chempıonatyna Qazaqstannan kimder qatysatynyn habarlaǵanbyz.