Aleksandra Skorohodova taý shańǵy sportynan Italııadaǵy týrnırde top jardy

ASTANA. KAZINFORM – Taý shańǵy sportynan Qazaqstan quramasynyń ókili Aleksandra Skorohodova Italııanyń Potstsa-dı-Fassa qalasynda ótken jasóspirimder arasyndaǵy týrnırinde jeńiske jetti. 

Otandasymyz alyp slalom saıysynda úzdik shyǵyp, altyn júldeni el qorjynyna saldy. 

Ekinshi oryndy kanadalyq Sımona Sent-Per alsa, qola júlde AQSh sportshysy Noel Rotqa buıyrdy. 

Eske sala keteıik, buǵan deıin 14 qańtarda Germanııanyń Rýpoldıng qalasynda bıatlonnan álem kýbogynyń kezeńi bastalatynyn habarlaǵanbyz. Atalǵan dodada Qazaqstan quramasynyń sapynda Mılana Geneva, Polına Egorova, Darıa Klımına jáne Alına Skrıpkına baq synaıdy.