Aleksandra Le Qytaıdaǵy álem kýbogy kezeńinde úzdik ondyqqa bir qadam jetpeı qaldy
ASTANA. KAZINFORM — Qytaıdyń Hanchjoý qalasynda nysana kózdeýden álem kýbogynyń kezekti kezeńi jalǵasyp jatyr.
Áıelder arasynda 50 metr qashyqtyqtan úsh qalypta (tizerlep, jatyp jáne turyp) vıntovkamen atý saıysy aıaqtaldy.
Qazaqstan quramasy sapynda eń joǵary nátıjeni 2024 jylǵy Olımpıadanyń qola júldegeri Aleksandra Le kórsetti. Ol 11-orynǵa turaqtap, úzdik ondyqqa bir qadam jetpeı qaldy.
Qazaqstandyq mergender arasynda Sofııa Shýljenko 26-oryn, Elızaveta Bezrýkova 42-oryn, al Arına Malınovskaıa 43-oryn ıelendi.
Eske salaıyq, buǵan deıin ústel tennısinen el quramasy Tashkenttegi týrnırde jeti medal jeńip alǵanyn habarlaǵan edik.
