Aleksandra Aborneva - Azııa chempıonatynyń jeńimpazy
ASTANA. 25 maýsym. QazAqparat - Astana qalasynda ótip jatqan aýyr atletıkadan Azııa chempıonatynyń sońǵy kúninde Aleksandra Aborneva el qorjynyna úshinshi altyndy saldy.
Áıelder arasynda 75 keliden joǵary salmaqta synǵa túsken qazaqstandyq aýyr atletshi serpe kóterýde 110 kelini baǵyndyryp, qarsylastyryn artqa qaldyryp, birinshi jattyǵý nátıjesi boıynsha kósh bastady.
Al julqa kóterýde A.Aborneva 143 kelini kóterip, qarsylastaryn taǵy da qapy qaldyrdy. Jalpy esepte 253 kılony baǵyndyrdy. Sóıtip, Qazaqstan birinshiliginiń jeńimpazy Aleksandra Aborneva endi Azııa chempıonatynyń eń bıik tuǵyryna kóterilip, sary qurlyqtyń teńdessiz sportshysy atandy. Jeńimpazdyń qurmetine Qazaqstan Respýblıkasynyń Týy kóterilip, Memlekettik Ánurany shyrqaldy.
