Aleksandr Vınokýrov pen Qumar Aqsaqalov Petropavldy velosıpedpen aralady
PETROPAVL. QazAqparat - Olımpıada chempıony Aleksandr Vınokýrov pen Soltústik Qazaqstan oblysynyń ákimi Qumar Aqsaqalov «Qyzyljar-2018» velojarysyna qatysty, dep habarlaıdy QazAqparat tilshisi.
Óńir basshysynyń baspasóz qyzmetiniń aqparaty boıynsha, jarysqa kásipqoı jáne jas veloshabandozdar, memlekettik qyzmetshiler, kásipkerler men qala turǵyndary qatysty.
Aleksandr Vınokýrov pen Qumar Aqsaqalov jarys bastalardyń aldynda jarystyń qatysýshylaryna sáttilik tiledi.
«Eger sizderdiń aralaryńyzda bireýińiz Olımpıada chempıony atansańyz, keremet bolar edi. Jattyǵyńyzdar, maqsat qoıa bilińizder. Tek alǵa umtylyp, meniń úlgimmen barlyǵyna qol jetkizińizder», - dedi chempıon.
Jarystyń qatysýshylary 5 shaqyrym qashyqtyqty júrip ótti. Velojarys aıaqtalǵannan keıin veloshabandozdarǵa estelik medaldar tabystaldy.
Bul jarys Aleksandr Vınokýrovtyń júldesine ótkiziletin «Qyzyljar-2018» halyqaralyq velojarysynyń qorytyndy kezeńi boldy. Qumar Aqsaqalov kópkúndik velojarystyń dástúrli túrde jyl saıyn ótetinine ýáde etti.
