Aleksandr Vınokýrov «Lej-Baston-Lej» kópkúndigin satyp alǵan degen aqparat joqqa shyǵaryldy

Keshe Halyqaralyq velosport federatsııasy osy iske qatysty tekseristi jaýyp tastady, dep habarlaıdy «Alaman» ulttyq sport portaly.

Esterińizge sala keteıik, 2011 jylǵy jeltoqsannyń bas kezinde shveıtsarııalyq «Illıýstre» basylymynda belgili qazaqstandyq veloshabandoz Aleksandr Vınokýrovqa qatysty negissiz jala jabylǵanyn Qazaqstan velosporty federatsııasy jarııalaǵan bolatyn.

 «Qazaqstan velosporty federatsııasy árqashan sporttyń ádil bolýyn qalaıdy. Osy oraıda bizdiń veloshabandozdar tek sporttyq kúsh-jigerdi ǵana ustanady»,-delingen atalǵan federatsııasynyń taratqan málimetinde.

«Aleksandr Vınokýrov «Pro Tım Astana»  komandasynyń kapıtany bolyp tabylady. Ol búginde tabysty sportshy retinde elimizdiń bolashaq chempıondary úshin tek velosıped sportynda ǵana emes, sonymen qatar basqa da tartysty dodalarda úlgi bolyp otyr. Federatsııa Aleksandrdyń sportta óziniń jeńisti jolyn jalǵastyratynyna jáne elimizdiń qoǵamdyq ómirinde tıisti úles qosatynyna senim artady»,-delingen taratylǵan málimette.

Shveıtsarııalyq jýrnalıster A. Vınokýrovty 2010 jyly Lej-Baston jarysy barysynda reseılik Aleksandr Kolobnevke para berdi dep jala japqan edi.