Aleksandr Vınokýrov qazaqstandyq velosıpedshiler tabysyn joǵary baǵalady
NUR-SULTAN. QazAqparat – Olımpıada chempıony, Qazaqstan velosport federatsııasynyń vıtse-prezıdenti, «Astana Qazaqstan Team» bas menedjeri Aleksandr Vınokýrov Dýshanbede shossedegi velosporttan ótip jatqan Azııa chempıonatynda altyn alǵan elimizdiń erler quramasynyń tabysyn joǵary baǵalady, dep habarlaıdy QazAqparat tilshisi.
Qazaqstan velosport federatsııasy málim etkenindeı, qurama sapynda Evgenıı Fedorov, Igor Chjan, ıÝrıı Natarov, Evgenıı Gıdıchter óner kórsetken bolatyn.
«Jigitter úmitti aqtady. Bizdiń sporttyq dırektorymyz Aleksandr Sheferdiń basshylyǵymen komandalyq jarysta qashyqtyqty sátti ótip shyqty. Búkil qurama joǵary deńgeıde óner kórsetti, nátıjesi – altyn medal. Quramany quttyqtaımyn, aldaǵy syndarda da sáttilik tileımin», dedi A.Vınokýrov.
Eske sala keteıik, velosporttan Qazaqstan erler quramasynyń Azııa chempıony bolǵanyn jazǵan edik.
