Aleksandr Vınokýrov ınaýgýratsııa týraly: Jastardy qoldaýdyń jańa ıdeıalaryn estidik

NUR-SULTAN. QazAqparat - «Astana» velokomandasynyń bas menedjeri Aleksandr Vınokýrov QR Prezıdenti Qasym-Jomart Toqaevtyń ulyqtaý rásiminen keıin sóılegen sózine qatysty pikir bildirdi, dep habarlaıdy QazAqparat.

«Qasym-Jomart Toqaevty burynnan bilemiz. Ol bizdiń azamattarymyz saılaǵan laıyqty Prezıdent. Men de saılaýǵa baryp, jańa ıdeıalar úshin soǵan daýys berdim. Prezıdenttiń ózi aıtpaqshy, Elbasy usynǵan strategııa jalǵasyn tabady dep oılaımyn. Men jastardy qoldaý týraly jańa ıdeıalardy estidim. Jastardyń darynyna keń jol ashylsa qup bolar edi», - deıdi Aleksandr Vınokýrov.

«El úshin jastar mańyzdy. Jańa tehnologııalardy engizýdi qalaıtyn, jańalyq ashqysy keletin adamdar úshin bul jaqsy. Prezıdent aıtpaqshy, álem bir orynda turǵan joq, biz qarymdy qadamdarmen alǵa júrýimiz qajet», - deıdi spıker.

A. Vınokýrov Memleket basshysy aıtqan eń mańyzdy máselelerge de toqtaldy.

«Meniń túsinýimshe, bular qoǵamda jıi talqylanatyn áleýmettik máseleler. Kadrlar tapshylyǵy bar ekenin bilemin. Bul ózekti másele. Sonymen qatar bıznes te mańyzdy. Bıznesti damytýǵa keń jol ashý qajet, qoldaý kerek. Elbasy sekildi kóterilýge múmkindik berý kerek. Bılik halyq aldynda esep beretin alańdardyń bolǵany qandaı jaqsy. Ol aıtqan ıdeıalardyń barlyǵy iske asqanyn qalaımyn», - dep túıdi Olımpıada chempıony.