Aleksandr Vınokýrov: Bolashaqta sport vedomstvosyn basqarýǵa qarsy emespin
ASTANA. 26 qańtar. QazAqparat - «Astana» velokomandasynyń kóshbasshysy Aleksandr Vınokýrov bolashaqta sport vedomstvosyn basqarýǵa qarsy emes ekendigin aıtty.
Bul týraly «Alaman» ulttyq sport portaly jarııalap otyr.
«Nege bolmasqa? Eger partııa surap jatsa, qarsy bolmas edim. Qolymnan kelgenshe járdemdesemin. Búgingi kúni men partııa alqasyndamyn. Men qazir veloshabandozbyn jáne Olımpıadaǵa deıin sportqa qatysamyn», - dedi Vınokýrov.
Sonymen qatar, ol «Astana» komandasy bıylǵy maýsymda PRO týrǵa kiretin bir jarysty jeńýdi kózdep otyrǵanyn aıtty. Alaıda ózi «Týr de Frans-2012-ge» qatyspaıtyndyǵyn bildirdi.
«Qıyn suraq. Sportshy retinde talaı nátıjege jettim. Bul taqyrypqa jarys prezıdentimen suhbattasqanda da oralǵanbyz. Al eger jarys jolyna shyǵyp jatsam birinshi orynǵa talaspaımyn. Komanda múddesine qyzmet etem», - dep qosty ol.
Esterińizge sala keteıik, qazirgi kezde burynǵy QR Týrızm jáne sport mınıstrliginiń ornyna QR Sport jáne dene shynyqtyrý isteri agenttigi quryldy. Budan buryn habarlanǵandaı, Aleksandr Vınokýrovty «Nur Otan» parııasy saılaý aldynda depýtattyqqa kandıdat retinde usynǵan bolatyn.
