Aleksandr Vınokýrov: Basty maqsatymyz - «Týr de Fransta» jeńiske jetý
ÁBÝ-DABI. QazAqparat - Dýbaı qalasynda alǵash ret «Dubai Tour» velojarysy ótýde. Tórt kúnnen beri jetekshi veloshabandozdar megapolıs kóshelerinde jarysyp jatyr.
«Dubai Tour» Ámirlikte velosportty barynsha nasıhattaý maqsatynda ótkizilip otyr. Munda buqaralyq sporttyń damýyna erekshe nazar aýdarylǵan. Bul jarys UCI Halyqaralyq velosıpedshiler odaǵynyń bastamasymen ótip, Azııa týrnesine engizildi.
Básekeli saıysqa kósh bastap kele jatqan komanda retinde qazaqstandyq «Pro Team Astana» komandasy men onyń basshysy, álemdik velosport «juldyzy» Aleksandr Vınokýrov shaqyryldy.
«Dubai Tour» jarysy Birikken Arab Ámirlikteri tarıhynda alǵash ret ótkizilip jatyr. Bul Taıaý Shyǵysta velosport boıynsha ótip jatqan alǵashqy jarys bolsa da, kórshiles Katar, Oman elderi 8-10 jyldan beri velojarystar uıymdastyryp turady. Árıne, bıylǵy maýsymǵa júktelip otyrǵan basty maqsatymyz - "Týr de Fransta" jeńiske jetý. Degenmen, Dýbaıda da jeńisti qoldan bermeýge tyrysamyz», - A.Vınokýrov.
Jalpy alǵanda, «Pro Team Astana» komandasynyń atalmysh eldegi jarystarǵa qatysýy Qazaqstanda joǵary deńgeıli veloshabandozdardyń bar ekenin málimdeýge jáne sportty damytýǵa basa mán beretin el ekenin tanytýǵa múmkindik beredi.
