Aleksandr Vınokýrov 50+ jas sanatynda altyn medal jeńip aldy
ASTANA. QazAqparat – Qazaqstandyqtar Azııa chempıonatynyń Masters dárejesinde júldeli úsh orynǵa ıe boldy, dep habarlaıdy QazAqparat Qazaqstan velosıped sporty federatsııasyna silteme jasap.
Olımpıada chempıony Aleksandr Vınokýrov el quramasynyń namysyn qorǵaı otyryp, 50+ jas sanatynda altyn medal jeńip aldy. Dańqty sportshy 15 shaqyrym qashyqtyqta «jekeleı» synda eń birinshi bolyp keldi. Onyń nátıjesi – 20 mınýt 6 sekýnd. Osy jas sanatyndaǵy Alekseı Abramenko kúmis júldege ıe boldy – 22 mınýt 25 sekýnd.
45- 49 jastaǵy masters arasynda ekinshi oryndy qazaqstandyq Vadım Ejakov aldy, nátıjesi – 21 mınýt 46 sekýnd.
Aıta keteıik, Aleksandr Vınokýrov osy qashyqtyqta óz jasynda ǵana emes, sondaı-aq 35 jastan bastap barlyq jas sanatynda eń jyldam ýaqytty kórsetti.
