Aleksandr Ývarov aýyr atletıkadan Qazaqstan chempıony atandy

ASTANA. KAZINFORM – Aýyr atlet Aleksandr Ývarov 88 keli salmat sanatynda jeńiske jetip, el rekordyn jańartty.

Ývarov – 2024 jylǵy Azııa chempıonatynyń kúmis júldegeri. 2025 jyly ol álem chempıonatynda 5-oryndy ıelense, búgin eki jattyǵyýdyń qorytyndysynda 361 kelini kóterip, Qazaqstannyń jańa rekordyn ornatty. 

- Serpe kóterýimdi 90-95 paıyzǵa baǵalaımyn, munan da jaqsyraq óner kórsete alar edim. Al julqa kóterýime kóńilim tolmaıdy. Men úshin bul kishkentaı ǵana nátıje. Jattyǵý kezinde munan joǵary bolatyn. Degenmen, bolar is boldy. Ary qaraı daıyndalyp, qatelikterimdi túzetemin, - dedi sportshy.

Aleksandr Ývarov ótken jyldyń jeltoqsan aıynda ótken álem chempıonatynan keıin uzaq ýaqyt jarys jolyna shyqpaý da óz áserin tıgizgenin aıtady.

- Úsh otany qatarynan jasattym desem de bolady. Bul meniń bıylǵy alǵashqy jarysym. Ótken jyldyń 10 jeltoqsanynda álem chempıonatynda, al búgin – 5 jeltoqsanda respýblıka chempıonatynda óner kórsettim. Óz salmaq sanatymda úzdik boldym. Ózimdi tamasha sezinemin, - dedi ol.

Almatylyq Álibek Raqymberdi ekinshi oryn aldy. Ol eki jattyǵýda 342 keli baǵyndyrdy. Úzdik úshtikti 317 keli kótergen qyzylordalyq Erasyl Sáýlebekov túıindedi.

Erteń jarys jolyna 94 keli salmaq sanatyndaǵy sportshylar shyǵady. Al jarystyń sońǵy kúninde 110 keli salmaq sanatyndaǵy aýyr atletter baq synaıdy.

Osyǵan deıin Qazaqstan aýyr atletıka federatsııasy dopıngke qarsy baqylaýdy kúsheıtkeni týraly jazdyq.