Aleksandr Tarakov «Qoǵamdyq kelisim» RMM dırektory qyzmetine taǵaıyndaldy
Bul týraly Aqordanyń baspasóz qyzmeti habarlady.
Aleksandr Tarakov 1961 jyly 30 sáýirde Ýkraına KSR-i Cherkassk oblysy Chıgırın qalasynda dúnıege keldi. 1983 jyly Kırov atyndaǵy qazaq memlekettik ýnıversıtetiniń jýrnalıstıka fakýltetin bitirdi.
1993 jyly Prezıdent janyndaǵy qazaq menedjment, ekonomıka jáne boljaý ınstıtýtyn aıaqtady. 1983-1987 jyl aralyǵynda «Lenınskaıa smena» gazetiniń tilshisi boldy.
Sondaı-aq ár jyldary «Araı - Zarıa» jýrnalynda - jýrnalıst, «Suhbat - Pozıtsııa» gazeti bas redaktorynyń orynbasary, «AZııA» gazetiniń sholýshysy boldy.
«Kazahstanskaıa pravda» gazetinde Aleksandr Tarakov bólim meńgerýshisi, bas redaktordyń birinshi orynbasary, vıtse-prezıdent, prezıdent, basqarma tóraǵasynyń orynbasary boldy.
2014 jylǵy qańtardan bastap 2016 jylǵy qyrkúıek aralyǵynda «Kazahstanskaıa pravda» respýblıkalyq gazeti» AQ basqarmasynyń tóraǵasy boldy. «Qurmet» jáne «Parasat» ordenderimen marapattaldy. Aleksandr Tarakov BAQ salasyndaǵy Qazaqstan Prezıdenti syılyǵynyń laýreaty bolyp tabylady.
