Aleksandr Shevchenko Slovakııadaǵy jarystyń shırek fınalyna joldama aldy
ASTANA. KAZINFORM — Qazaqstannyń ekinshi, álemniń 97-raketkasy Aleksandr Shevchenko Bratıslava (Slovakııa) chellender týrnıriniń shırek fınalyna shyqty.
Jarystyń 1-raketkasy bolyp tirkelgen qazaqstandyq tennısshi ekinshi aınalymda reıtıngide 249-oryndaǵy chehııalyq, 22 jastaǵy Gınek Bartonmen sheberlik baıqasty.
Bul olardyń ózara alǵashqy kezdesýi edi.
Matchty chehııalyq sportshy sátti bastady — 6:4. Degenmen budan keıin A.Shevchenko tarazy basyn aýdaryp, kambek jasaı bildi — 6:3, 7:5.
Eki saǵat 1 mınýtqa sozylǵan tartysty básekede Shevchenko 2 eıspen birge 6 breık-poınttyń teń jartysyn múlt jibergen joq. Barton 2 eıs, 2 breıkpen (3 breık-poınt) kózge tústi.
Aleksandr Shevchenkonyń shırek fınaldaǵy qarsylasy keıin anyqtalady.
Eske sala keteıik, budan buryn Anna Danılınanyń London týrnıriniń shırek fınalyna shyqqanyn jazǵan edik.
