Aleksandr Shevchenko Slovakııadaǵy týrnırdi sátti bastady
ASTANA. KAZINFORM — Qazaqstannyń ekinshi, álemniń 97-raketkasy Aleksandr Shevchenko Bratıslava (Slovakııa) chellendjer týrnırinde alǵashqy matchyn jeńispen túıindedi.
Qazaqstandyq tennısshi bastapqy aınalymda ATP reıtıngisinde 263-oryndaǵy rýmynııalyq Fılıp Krıstıan Jııanýǵa tap keldi.
Osyǵan deıin qarsylastar ózara bir ret kezdesip, onda Shevchenkonyń mereıi ústem bolǵan edi.
Bul joly birinshi partııada qazaqstandyq sportshy 6:4 esebimen basym tústi. Ekinshi sette esep 3:0 bolyp, Aleksandr alda turǵan mezette rýmynııalyq tennısshi básekeni jalǵastyrýdan bas tartty.
Aleksandr Shevchenko shırek fınalǵa shyǵý úshin álemniń 249-raketkasy, chehııalyq Gınek Bartonmen talasady.
Taǵy bir qazaqstandyq, álemniń 175-raketkasy Tımofeı Skatov alǵashqy aınalymda reıtıngide 293-satydaǵy japonııalyq Taro Denıelge ese jiberdi – 3:6, 3:6.
Bratıslava dodasynyń júlde qory 160 680 dollarǵa baǵalanǵan. Jeńimpaz 100 reıtıngilik upaıǵa qosa 23 750 dollar tabys tabady.
Eske sala keteıik, budan buryn Rolan Garrostan keıin Býblık úshin Shtýtgart týrnıri sátti bola ma, sony jazǵan edik.
Sondaı-aq Sonıa Jıenbaeva Qytaıdaǵy týrnırde jarystyń 1-raketkasyn jeńdi.
Mıhaıl Kýkýshkın sporttyq mansabyn aıaqtaıtynyn málimdedi.
