Aleksandr Shevchenko Shveıtsarııadaǵy týrnırde qarsylasyn kambekpen utty
ASTANA. KAZINFORM — Qazaqstannyń ekinshi, álemniń 100-raketkasy Aleksandr Shevchenko Gshtaad (Shveıtsarııa) ATP 250 týrnıriniń ekinshi aınalymyna joldama aldy.
Qazaqstandyq tennısshi bastapqy kezdesýin álemdik reıtıngide 132-oryndaǵy frantsııalyq Aleksandr Mıýllermen ótkizdi.
Alǵashqy partııada frantsııalyq sportshynyń basymdylyǵy baıqaldy — 6:3.
Degenmen budan keıin A.Shevchenko kambek jasaı aldy — 6:3, 6:4.
Bir saǵat 59 mınýtqa sozylǵan tartysty básekede qazaqstandyq tennısshi 13 eıspen birge 12 breık-poınttyń ekeýin paıdalandy. Mıýller 3 eıs, 1 breıkpen (4 breık-poınt) shekteldi.
Aleksandr Shevchenko shırek fınalǵa shyǵý úshin reıtıngide 360-satydaǵy shveıtsarııalyq Domınık Strıkermen talasady.
Osy jarystyń 1-raketkasy bolyp tirkelgen Aleksandr Býblıktiń qarsylasy anyqtaldy. Dodany ekinshi aınalymnan bastaıtyn A.Býblık álemniń 90-raketkasy, taǵy bir frantsııalyq Kenten Galıdy synap kóredi.
A.Shevchenko men A.Býblık qarsylastaryn jeńgen jaǵdaıda shırek fınalda ózara kezdesedi.
Gshtaad jarysynyń júlde qory 612 620 eýroǵa baǵalanǵan. Jeńimpaz 93 175 eýroǵa qosa 250 reıtıngilik upaıǵa qol jetkizedi.
Ótken jyly munda A.Býblık chempıon atanǵan bolatyn.
Eske sala keteıik, budan buryn Sonıa Jıenbaevanyń álemdik reıtıngide 26 satyǵa joǵarylaǵanyn jazǵan edik.
Sondaı-aq ıÝlııa Pýtıntseva Rýmynııadaǵy jarysty jeńispen bastady.
