Aleksandr Shevchenko Shvetsııadaǵy týrnırde negizgi jarysqa joldama aldy
ASTANA. KAZINFORM — Qazaqstannyń ekinshi, álemniń 107-raketkasy Aleksandr Shevchenko Stokgolm (Shvetsııa) ATP 250 týrnıriniń irikteý saıysyn jeńispen túıindedi.
Qazaqstandyq tennısshi irikteý saıysynyń fınalynda álemniń 90-raketkasy, ulybrıtanııalyq Djeıkob Fırnlıge qarsy keldi.
Kezdesýde A.Shevchenko 6:2, 6:4 esebimen jeńiske jetti.
Bir saǵat 15 mınýtqa sozylǵan báseke barysynda Shevchenko 4 eıs jasap, 3 breık-poınttan shashaý shyǵarǵan joq. Fırnlı 3 eıspen shekteldi.
Osylaısha, negizgi jarysqa joldama alǵan Aleksandr Shevchenko kelesi qarsylasy keıin anyqtalady.
Qazaqstandyq sportshy sátti óner kórsetýin jalǵastyrsa, álemdik reıtıngidegi jaǵdaıyn jaqsarta alady.
Stokgolm týrnıri 9-15 qarasha aralyǵynda ótedi.
Eske sala keteıik, budan buryn Aleksandr Shevchenkonyń Shvetsııadaǵy týrnırde qarsylasyn aıqyn basymdylyqpen utqanyn jazǵan bolatynbyz.
