Aleksandr Shevchenko Shvetsııadaǵy týrnırde qarsylasyn aıqyn basymdylyqpen utty
ASTANA. KAZINFORM — Qazaqstannyń ekinshi, álemniń 107-raketkasy Aleksandr Shevchenko Stokgolm (Shvetsııa) ATR 250 týrnıri irikteý saıysynyń fınalyna shyqty.
Іrikteýdiń 7-raketkasy bolyp tirkelgen qazaqstandyq sportshy bastapqy matchyn álemdik reıtıngide 482-oryndaǵy norvegııalyq Vıktor Dýrasovıchpen ótkizdi.
Eki set te 6:1, 6:1 esebimen A.Shevchenkonyń paıdasyna sheshildi.
Bir saǵatqa jetpeıtin ýaqytqa sozylǵan básekede Shevchenko 7 eıspen birge 11 breık-poınttyń beseýin óz esebine jazdy. Dýrasovıch 1 eıs jasap, 4 breık-poıntty paıdalana almady.
Aleksandr Shevchenko irikteý saıysynyń fınalynda álemniń 90-raketkasy, ulybrıtanııalyq Djekob Fırnlı nemese reıtıngide 337-satydaǵy frantsııalyq Artýr Nageldiń qaı jeńgenimen kezdesedi.
Stokgolm jarysynyń júlde qory 723 435 eýroǵa baǵalanǵan.
Eske sala keteıik, budan buryn Elena Rybakınanyń WTA qorytyndy týrnıri qarsańynda jankúıerlerge sóz arnaǵanyn jazǵan bolatynbyz.
