Aleksandr Shevchenko Rım masters týrnırine joldama aldy
ASTANA. KAZINFORM — Qazaqstannyń ekinshi, álemniń 97-raketkasy Aleksandr Shevchenko Rım masters týrnıriniń irikteý saıysyn sátti bitirdi.
Qazaqstandyq tennısshi irikteý synynyń fınalynda dúnıejúzilik reıtıngide 134-orynda turǵan majarstandyq Marton Fýchovıchpen sheberlik baıqasty.
A.Shevchenko 6:4, 6:2 esebimen eki sette jeńiske jetti.
Bir saǵat 24 mınýtqa sozylǵan báseke barysynda Shevchenko 3 eıspen birge 5 breık-poınttyń úsheýin paıdalandy.
Aleksandr Shevchenkonyń negizgi jarystaǵy qarsylasy keıin belgili bolady.
Eske sala keteıik, budan buryn qazaqstandyq tennısshilerdiń Rım masters jarysyndaǵy qarsylastary anyqtalǵanyn jazǵan bolatynbyz.
