Aleksandr Shevchenko Mıýnhende irikteý saıysynyń fınalyna ótti

ASTANA. KAZINFORM - Qazaqstannyń ekinshi, álemniń 106-raketkasy Aleksandr Shevchenko Mıýnhen (Germanııa) ATP 500 týrnıriniń irikteý saıysyn sátti bastady.

Qazaqstandyq tennısshi irikteý týrnıriniń jartylaı fınalynda álemniń 85-raketkasy, japonııalyq Rınkı Hıdjıkatanyń meselin qaıyrdy.

Birinshi partııada Shevchenko 6:4 esebimen basym tústi. Ekinshisinde japonııalyq sportshy ese qaıyrdy - 6:1. Úshinshi, sheshýshi sette Shevchenko tarazy basyn aýdara bildi - 6:3.

Eki saǵattan astam ýaqytqa sozylǵan tartysty básekede qazaqstandyq tennısshi 8 eıspen birge 12 breık-poınttyń úsheýin paıdalandy. Hıdjıkata 1 eıs jasaýmen birge 3 breık-poınttan shashaý shyǵarǵan joq.

Aleksandr Shevchenko irikteý saıysynyń fınalynda dúnıejúzilik reıtıngide 410-orynda turǵan horvatııalyq Borna Goıomen sheberlik talastyrady. Ony jeńse, negizgi jarysqa joldama alady.

Júlde qory 2,5 mln AQSh dollaryna baǵalanǵan Mıýnhen dodasy 14-20 sáýir aralyǵynda ótedi.

Eske sala keteıik, budan buryn Qazaqstan jasóspirimderiniń ekinshi ret álem chempıonatynyń fınaldyq kezeńine joldama alǵanyn jazǵan bolatynbyz.