Aleksandr Shevchenko Monte-Karlo masters týrnırinde alǵashqy jeńisine qol jetkizdi

ASTANA. KAZINFORM – Qazaqstannyń ekinshi, álemniń 76-raketkasy Aleksandr Shevchenko Monte-Karlo masters týrnıri irikteý saıysynyń fınalyna shyqty. 

Qazaqstandyq tennısshi irikteý saıysynyń jartylaı fınalynda álemniń 130-raketkasy, ıtalııalyq Andrea Pellegrınoǵa qarsy keldi. Birinshi partııada 4 eıspen birge 4 breık-poınttyń úsheýin paıdalanyp úlgergen Shevchenko bet qaratpady – 6:0. Budan keıin A.Pellegrıno matchty jalǵastyrýdan bas tartty. 

Aleksandr Shevchenko irikteý saıysynyń fınalynda álemniń 80-raketkasy, ıspanııalyq Roberto Baýtısta-Agýtpen oınaıdy. Ony jeńse, negizgi jarysqa joldama alady. 

Qazaqstannyń birinshi, álemniń 11-raketkasy Aleksandr Býblık 5-12 sáýir aralyǵynda ótetin Monte-Karlo masters jarysyn ekinshi aınalymnan bastaıdy. A.Býblık álemniń 30-raketkasy, nıderlandylyq Tallon Grıkspor nemese reıtıngide 203-oryndaǵy frantsııalyq Gael Monfıstiń qaı jeńgenimen kezdesedi. 

A.Býblık shırek fınalǵa shyqqan jaǵdaıda álemniń 1-raketkasy, ıspanııalyq Karlos Alkaraspen oınaıdy. 

Atalmysh týrnırdiń júlde qory 6,3 mln eýrodan asady. Jeńimpaz 1 myń reıtıngilik upaıǵa qosa 974 myń 370 eýro kóleminde tabys tabady. Ótken jyly munda K.Alkaras úzdik shyqqan edi. 

Eske sala keteıik, budan buryn Jibek Qulambaevanyń Úndistandaǵy taǵy bir týrnırde top jarǵanyn jazǵan bolatynbyz.