Aleksandr Shevchenko Maıamı masters týrnırin sátti bastady
ASTANA. KAZINFORM – Qazaqstandyq tennısshi, álemniń 98-raketkasy Aleksandr Shevchenko Maıamı (AQSh) masters týrnırinde irikteý saıystarynyń fınalyna shyqty.
Qazaqstandyq tennısshi irikteýdiń jartylaı fınalynda dúnıejúzilik reıtıngide 166-orynda turǵan slovakııalyq Lýkash Kleınmen betpe-bet keldi.
A.Shevchenko qarsylasyn 6:3, 7:6 (7:5) esebimen utty.
Saǵat jarymnan astam ýaqytqa sozylǵan báseke barysynda Shevchenko 4 eıspen birge 14 breık-poınttyń tórteýin paıdalandy. Kleın 3 eıs, 2 breıkpen (5 breık-poınt) shekteldi.
Aleksandr Shevchenko irikteý saıysynyń fınalynda reıtıngide 117-satydaǵy argentınalyq Tıago Agýstın Tıranteni joldan taıdyrsa, negizgi jarysqa joldama alady.
Taǵy bir qazaqstandyq, álemniń 160-raketkasy Mıhaıl Kýkýshkın irikteýdiń jartylaı fınalynda reıtıngide 89-oryndaǵy aýstralııalyq Adam Ýoltonmen sheberlik baıqasady.
Eske sala keteıik, budan buryn Anna Danılınanyń álemdik reıtıngide 16-orynǵa kóterilgenin jazǵan bolatynbyz.